miðvikudagur, ágúst 20, 2003

 
sorry hvað ég er búin að vera löt að skrifa að undanförnu,,, er bara búin að vera að brasa við allt og ekki neitt þannig að ég hef varla kíkt á netið!!
Núna er ég að búa mig undir að flytja í bæinn aftur,, alltaf er maður að pakka niður og taka úr kössum,,, ég er orðin svo sjóuð í að flytja að ég geri eingöngu ráð fyrir 2 - 3 klst við að taka til draslið sem ég tek með mér,,,
Ég reikna með því að ég fari í bæinn á föstudaginn,, ætla að taka hana Birnu mína með og dunda mér smá með henni yfir helgina,, fara í húsdýragarðinn og sund og fleira sem henni finnst svo gaman
Dísa 18:25

föstudagur, ágúst 15, 2003

 
Ég held að ég sé komin með herbergi í bænum,,,, einhverja hræódýra kjallaraholu uppi í Árbæ,,, æ mér er alveg sama þó svo það sé ekkert æðislega fínt,, ég hef nú áður búið við sorglega ömurlegar aðstæður,, t,d herbergið í veitingahúsinu sem við bjuggum í úti í Costa Rica,,, 4 gellur í pínulitlu herbergi,, veggirnir fullir af rottum og kakkalökkum sem voru alltaf að skríða yfir okkur þegar við vorum sofandi,,,, það var líka alltaf 50 stiga hiti inni í herberginu því það var einmitt við hliðina á eldhúsinu þar sem djúpsteikningar á öllum andskotanum fóru fram allan daginn!!! Djö,,, var það nú gaman,,
Dísa 11:11

þriðjudagur, ágúst 12, 2003

 
Núna er ég hætt að vinna og nýt þess bara að gera ekki neitt!!!? Fór á bókasafnið í gær og tók 4 bækur sem ég ætla að dunda mér við að lesa á næstu dögum.
Ég er aðeins farin að leita eftir herbergi í bænum,,, mér sýnist vera af nægu að taka og er því ekkert að flýta mér of mikið :-)
Dísa 18:37

sunnudagur, ágúst 10, 2003

 
Sunnudagur til sælu!!!
Bara kominn sunnudagur og ég að fara að vinna aftur á morgun,,,, það er nú samt allt í lagi því ég er hvort eð er að fara að slútta þessu rugli,,, held ég vinni morgundaginn og þriðjudaginn en svo ekki meir,,, vona allavegana að það verði ekki meira en það!!!
Fór til R-víkur á fimmtudaginn,, þurfti að fara til læknis,, og kom aftur heim á föstudaginn!! Frekar stuttur túr en nennti bara ekki að vera lengur. Skólinn líka að fara að byrja og þá fær maður nú fljótt leið á hinni miklu höfuðborg!
Er að spá í að drífa mig út í garðinn hans pabba að týna arfa,,, hef ekkert annað að gera,,, búin að taka til allt sem hægt er að taka til,, meira segja í bílnum mínum ogallt!!??!?
Dísa 17:50

fimmtudagur, ágúst 07, 2003

 
Þá er það komið á hreint,, ég er að fara að hætta að vinna í næstu viku,, ég ætla ekki að reyna að segja ykkur hvað ég hlakka mikið til,,, þetta er svo hrikalega leiðinlegt að ég hef aldrei vitað annað eins! Pakka humri, gella, dæla bensíni og skúra,,, það eru leiðinlegustu störf sem ég hef verið í yfir æfina,,, þar til í sumar,,, starfið sem ég er í núna er verra en öll þau störf til samans,,, veit ekki hvað það er en ég verð "HRIKALEGA" fegin þegar ég hætti
Dísa 14:07

miðvikudagur, ágúst 06, 2003

 
Jæja,,,, það er komin heil vika síðan ég hef skrifað,,, ég skal bara fara yfir það hvernig þessi vika hefur verið,,,
fimmtudagur og föstudagur == veik,, laugardaginn var ég að vinna á þessu blessaða Jöklasafni til klukkan 22 en þá stökk ég upp í bílinn minn og keyrði nonstop út á Foss þar sem mest öll fjölskyldan mín var saman komin!
Á sunnudaginn vaknaði ég við sólina inn um gluggann hjá mér og rauk út,,, veðrið var óaðfinnanlegt allan daginn og þessi sunnudagur var hreinlega einn besti dagur ársins,,, Ég og Eva systir fórum í fjallgöngu með þau Birnu Lunu og Ármann og skoðuðum hella sem liggja inni í sjáfarhömrunum rétt hjá Fossi. Þegar við komum niður aftur var komið hádegi og hitinn farinn upp í 27 stig. Ég hafði blessunarlega tekið með mér bikiníið mitt sem ég skellti mér í og fór ekki úr það sem eftir lifði dags. Um kvöldið fórum við svo með krakkana að veiða í fossinum og svei mér þá,, þau veiddu 2 fiska!!!!

Það var auðvitað mjög skrítið að vera á Fossi núna eftir að hann Siggi frændi dó,,, mér finnst mjög einkennilegt að allt dótið hans Sigga skuli ennþá vera þar sem það á að vera en hann hinsvegar hvergi sjáanlegur. Hann var svo alltof ungur til að deyja og það á örugglega eftir að taka sinn tíma að venjast þeirri staðreynd.
Dísa 11:37